Borgemánu 18. beaivvi dán jagi álggaha Lávgu sámegiellakurssa easkaálgiide Álttás eahkediid/vahkkoloahpaid. Kursa bistá borgemánus 2026:s gitta njukčamánnui 2027:i.
– Borgemánus 2026:s Lávgu álggaha fas dán bivnnuhis sámegiela álgokurssa easkaálgiide eahkediid ja vahkkoloahpaid. Dat mii lea ođas dán jagi, lea ahte mii eat deavdde kursasajiid dađistaga gitta kursa dievvá, muhto sii geat háliidit kursii álgit galget čállit motivašuvdnareivve. Mii sávvat ahte bohtet ollu dieđiheamit, bures boahtin min lusa Lávgui!, dadjá beaivválaš jođiheaddji Marit Kirsten Eira.
Eambbo dieđuid dieđiheami, kurssa ja motivašuvdnareivve birra gávnnat dáppe:
Álgooahput eahkediid ja vahkkoloahpaid
Sámegiela eahketkursa easkaálgiide bistá 140 diimmu borgemánu 2026:s rájes njukčamánnui 2027:i, ja lea kursa 1-2 beaivvi vahkus maŋŋegaskabeivviid ja vahkkoloahpaid Lávggu viesus. Dán jagi lágiduvvo kursa disdagaid ja duorastagaid nu guhkás go lea vejolaš. Vurdojuvvo ahte kursaoasseváldit maiddái barget ruovttubargguid. Mii lágidit guokte logaldallama olggobeale logaldalliiguin, ja kursaoasseváldiide lea bákkolaš searvat unnimustá ovtta logaldallamii.