Dát yogastallan lea heivehuvvon easkkaálgiide, muhto heive maiddái dutnje gii ovdal leat geahččalan yoga, dahje vel jámma yogastalat ge. Biret boahtá čilget sámegillii, muhto čájeha maiddái juohke lihkastaga ja vuoigŋanhárjehallama. Danne heive dát maiddái dutnje geas ii leat nu nana giella, it soaitte máhttit ge, muhto hálidivččet gullat ja oahppat – sihke yoga ja sámegiela. Buohkat leat de bures boahtimat!
Lihkastagat biddjojit oktii nu ahte dovddat eambbo álšša ja fámuid maŋŋá. Ále heađástuva jus it oro sodjamin gosa ge. Juohke lihkastat maid dihtomielas dagat, veahkeha, go fal guldalat maid rumaš gierdá. Yogastallamii gullet máŋga beali, maiddái vuoigŋan ja meditašuvdna. Maiddái dáid beasat vásihit lávvardaga yogastallamis.
Berit Nystad lea oahppan kundalini- ja yin yoga suorggis. Son lea maiddái goŋŋačuojaheaddji. Goŋŋa adno sihke vuoiŋŋasteapmái ja mediteremii. Yogastallamis Álttás čuojahuvvo goŋŋa vuoiŋŋasteapmái.
Lávvardaga geassemánu 21. beaivvi
Kl 10.00 – 11.45 Yoga
Kl 11.45 – 13.00 Boddu
Kl 13.00 – 14.30 Yoga
Váldde mielde:
Yogamáhtá
Guottá dahje yogaguppola
Ránu
Cokka loaččo biktasiid, buoremus jus luondduávdnasiis leat dahkkon.