Boahtte vahkku lea mearrasámi vahkku Álttas ja dan oktavuođas bovde Maret Lávggu vuorrasiid borrat mullju. Dieđiheapmi sms bokte 480 00 812 ovdal mánnodaga 7.4
Olles prográmma:
- Bearjadat 4.cuoŋomanu – bearjadat 11.cuoŋomanu leat min Álttá-gávttis oaidnimis Álttá álbmotgirjerádjosis. Doppe besset maid olbmot geahččat min gihppagiid: Vihttánat, Mearrasámi biebmoárbevierut, Duodjelisttu.
- Gaskavahkku 9.cuoŋ. : Ságastallan Johan Sara jr, Puskas Musikk og Platebar báikkis dii. 20 – 21
- Duorastat 10.cuoŋ: Muljufeasta min vuorrasiidda
- Bearjadat 11.cuoŋ: Konsearta, Kari Heimen, Álttá Fuolahusguovddážis dii. 11.30 – 12.45
Dieđut mearrasámi vahkku birra:
Ulbmil lea ovddidit mearrasámi kultuvrra, giela ja historjjá.
Dán jagi leat njealje mearrasámi vahkku. Inspirašuvdna lágidit vahkkuid boahtá sámi giellavahkus, mii lea oktii jahkái juohke jagi. Dalle leat iešguđet doaimmat olles vahkku gos čalmmustahtti t sámegielaid. Mearrasámi vahkkus mii ovdanbuktit dieđuid ja máhtu ja dáinna lágiin čalmmustahttit mearrasámevuođa.
Sámediggi ruhtada prošeavtta.