Duodji lea guovddáš oassi sámi kultuvrras. Dán logaldallamis Gula (sámi kulturorganisašuvdna Oarje-Finnmárkkus) ovdanbuktá ja čilge mearrasámi duoji birra álgodásis.
Logaldallan lágiduvvo Álttá girjerádjosa aitto ođastuvvon lanjain.
Mii guossohit gáfe, gáhkuid ja šattuid.
Govvideaddji: Rita Eira Jørgensen
Dieđut mearrasámi vahku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagis 2026 galgá mis leat mearrasámi mánnu, mii juhkkojuvvo njealji vahkkui olles jagis.
Mearrasámi vahkuid lágideami vuođđun lea sámi giellavahkku-konseapta, gos leat iešguđetlágan doalut ja lágideamit daid vahkuid. Mearrasámi vahku/mánu oktavuođas galgat gaskkustit ja čalmmustahttit mearrasámivuođa riddoguovlluin, ja buktit ovdan resurssaid mat gávdnojit dáid guovlluin, namalassii olbmuid, dávviriid, muitalusaid, jna.
Sámediggi lea ruhtadan prošeavtta.