Stuora morrašiin leat vuostáiváldán dieđu ahte Majestehta Gonagas Harald V lea eretvádjolan.
Mii moraštit fárrolaga Gonagasa bearrašiin. Ráfi lehkos Gonagas Harald V muitun.
Gonagas Harald lea iežas doaimma bokte čájehan gudnejahttima sámi giela, kultuvrra ja historjjá vuostá. Jagi 1997 son dovddastii dan eahpevuoigatvuođa maid Norgga stáhta lei dagahan sámi álbmogii dáruiduhttinpolitihka bokte, ja son lea maŋŋelis ge deattuhan soabahallama mearkkašumi ja sámi giela ja kultuvrra seailluheami ja nannenbarggu.
Otná lossa dáhpáhusa geažil leat rievdadan prográmma Christin Løkke Sjøsamiske spor rahpama várás.
Dáiddácajahus čađahuvvo plána mielde odne eahket dii. 18.00, muhto ráfálaš ja árvvusadni rámmas. Rahpama oktavuođas mii muitit Gonagas Haralda eretvádjoleami
Panelaságastallan Kunstens rolle mot forsoning maŋiduvvo maŋit áigemearrái. Ságastallan guoská mearrasámi historjái, dáruiduhttimii ja soabahallamii, ja mii háliidit čađahit dan dakkár áiggi ja fuomášumiin maid dát dehálaš ságastallan ánssáša.
Panelaságastallama ođđa áigemearri almmuhuvvo maŋŋelis.
Bures boahtin!