Sámi giellavahkku lea boahtte vahkku 43.
Mii leat almmuhan prográmma mas leat iešguđetlágan doaimmat čalmmustahttet sámegiela Álttás. Prográmmas lea juoga mii heive buohkaide.
Lávgu álggaha giellavahkku lunšain min visttis.
Mii illudit hirbmasit olles vahkkui.
Álttá prográmma gávnnat dás:
Dieđiheamit Lávggu doaluide leat dáppe ruovttusiiddus, oza doaimma:
Sami Siiddas beasat oahppat bohcco namahusaid birra. Čuovo sin ruovttusiiddu dahje Facebook siiddu, gos gávnnat eambbo dieđuid.
Dieđut giellavahkku birra:
Giellavahku ulbmilin lea buoridit sámegielaid stáhtusa, ja buoridit máhtu sámi giela ja kultuvrra birra olles servodagas. Juste dán vahkus galget sámegielat gullot ja oidnot juohke sajis.
Giellavahkku lea veahkkálasbargu čalmmustahttit sámegielaid ja loktet máhtu daid birra olles servodagas.
Priváhta ja almmolaš ásahusat, ealáhuseallin, organisašuvnnat ja eará aktevrrat bovdejuvvojit oainnusmahttit sámegielaid juste dán vahkus. Ovttas váldit mii stuorábuš ovddasvástádusa sámegielaid gullomis, oidnomis ja geavaheames buot servodatsurggiin.
Sámediggi Norgga beale mearridii álggahit Giellavahku dalle go almmuhii Giellaloktema.
Eambbo dieđut: