Jahki 2023 lei rievdadusaid jahki. “Álttá Sámi Giellaguovddáš AS” lea ožžon ođđa nama:
“Lávgu (Álttá sámi giella- ja kulturguovddáš) AS”
Dat boahtá das go min fitnodat lea ožžon kulturviesu doaibmadoarjaga Álttá Siidda ASs. Dat boahtá ges das go mánáidgárdeláhka rievdaduvvui 2023:s. Oanehis veršuvdna:
Iešalddis ii leat nu ollu rievdan. Álttá Siiddas lea dál dušše mánáidgárde doaibma, ja mis leat doaimmat sihke giela- ja kultuvrra ektui. Nu lea mis álo leamaš, muhto dál leat mis eanet resurssat dan dahkat.
Go mii formálalaččat oaččuimet eanet ovddasvástádusa kulturdoaimmaide, de lei dárbu dan oainnusindahkat. Áigi lei láddan rievdadit nama, ja oaččut oanehit nama. 2023 geasi almmuheimmet nammagilvvu ja čakčat válljejuvvui ođđa namma.
Lávgu lea dat maid mii sávašeimmet gohčoduvvot.
Seammás mii leat álggahan strategiijaproseassa maid Orinor jođiha. Strategiija bargu lea leamaš ávkkálaš proseassa gávdnat oktasaš geainnu man mielde joatkit. Buot bargit ja stivra leat leamaš mielde proseassas.
Ođđa namain šadde mis ođđa e-poastačujuhusat. Daid gávnnat dán siiddus. Ja go gávdnet geainnu deike, de beasat dál lohkat min ođđa ruovttusiiddu. Dása mii bidjat ođđasiid, buktagiid ja doaimmaid.
Mii leat erenoamáš duhtavaččat “doaimmat” nammasaš siidduin. Dat ii leat mis ovdal leamaš, dássážii leat mii eanas geavahan Facebooka almmuhit doaluid.
Don gii háliidat čuovvut mielde mii mis dáhpáhuvvá berret čuovvut mielde min ruovttusiiddus. Deike biddjojit buot lágideamit, ja eanas lágidemiide sáhttá dieđihit dáppe.
Bargit leat seamma go diibmá, ja dasa lean beaivválaš jođiheaddjin hui ilus.
Marit Kirsten Eira