Searvva miessemearkumii, dá lea okta dain deháleamos dáhpáhusain geasset. Mii vuolgit idjadanmátkái ovtta boazosámi bearraša mielde merket dán jagáš misiid.
Goas: 16-17.juni
Gos: Luossačacca, vuolgit Álttá Sámi Giellaguovddážis bussiin dohko (deaivvadan áigi boahtá, muhto lea sulli 16.00 bearjadaga)
Geasa: Heive dutnje gii háliidat hupmat sámegiela ja searvat miessemearkumii
Dieđiheapmi ja oktavuođadieđut: Máret J. Heatta 46667571, áigemearri dieđihit lea 12.06 dii 17.00
Maid váldit mielde: bivvobiktasiid, molssabiktasiid, oađđinseahka ja duollji
Gávcci jahkodaga birra:
Sámiin leat sierra jahkodat syklus “gávcci jahkodaga”. Jahkodagat leat čatnon bohcco lundui ja bargguide mat gullet boazodollui: giđđageassi, geassi, čakčageassi, čakča, čakčadálvi, dálvi, giđđa dálvi, giđđa. Álttá Sámi Giellaguovddážis lea jođus prošeakta mas lea ulbmil oahppat ja vásihit Sámiid Gávcci jahkodaga doaimmaid bokte mat leat árbevirolaččat gullevaččat jahkodagaide. Mii lágidit gávcci deaivvadeami main leat árbevirolaš barggut čatnot boazodollui. Deaivvadeamit galget leat arena gos sámegiella ja kultuvra gullo ja oidno.