Leat go oahpaheaddji gii áŋgirušat oččodit eambbo sámegielagiid? Leat go čeahppi organiseret, seammás go don leat čeahppi hutkat ođđa ja gelddolaš doaimmaid?
Buorit čoahkkananbáikkit, doaimmat ja lágideamit leat deaŧalaččat vai kultuvra ja giella seailu. Lávggus lea sámi kultuvra ja giella guovddážis. Dál mii dárbbašat soapmása gii sáhttá veahkehit doaimmaid jođihit ja fuolahit ahte ollu gelddolaš doaimmat ain dáhpáhuvvet sámi birrasis Álttás, seammás lea maid oahpaheaddji min giellakurssaiguin.
Oahpaheaddjin beasat ovttasbargat min bures hárjánan oahpaheddjiiguin. Min oahpaheaddjit eai bargga olles áiggi virggiin, ja dán mii dárbbašivččiimet. Dán váilevašvuođa galggat don deavdit. Don boađát maid ovdánahttit ođđa giellaarenaid ollesolbmuide.
Lágideaddjiovddasvástideaddjin eat vuordde ahte don galggat máhttit juoigat dahje goarrut gávtti diŋgojumi mielde, muhto ahte don galggat gávdnat sin geat máhttet juoidá ja oažžut sin johtui muhtin prošeavttain dahje doaimmain. Du bargun lea hutkat, organiseret ja čađahit doaluid. Sáhttá maid ohcat ruđaid prošeavttaide. Mis leat eará lágideaddjit maid, geaiguin boađát ovttasbargat.
Doaimmat sáhttet leat ahte lágidit konsearttaid ovttas earáiguin, dahje lágidit bingoeahkediid okto. Kulturgaskkusteamis lea sáhka buriin muitalusain ja lagaš deaivvademiin ja dat sáhttet leat sihke unnit ja stuorát lágideamit.
Mis leat sihke giella- ja kulturarenat gos olbmot besset čoahkkanit. Ulbmiljoavkkut maiguin beasat bargat, rievddadit agi ja giellamáhtu ektui. Dáid rámmaid siskkobealde lea dus stuorra vejolašvuohta hábmet doaluid ja iežat árgabeaivvi ieš.
Virgi lea 100 proseantta ja lea gaskaboddosaš virgi 2025 lohppii, mas lea vejolašvuohta guhkidit virggi ja oaččut fástta barggu. Lágideaddji/Oahpaheaddji ovddasvástideaddji šaddá dábálaččat leat doaimmas mielde, danin ii leat bargu 8-16 barggu. Dus leat eahket- ja vahkkoloahppabarggut. Muhtin áigodagat leat hohpoleabbo go earát ja dus lea de fleksibilitehta barggus eará áigodagain friddja váldit.
Ovddasvástádussuorggit:
- Álggahit ja čađahit iešguđetlágan prošeavttaid
- Prošeavttain main dus leat mielbargit, dus lea ovddasvástádus oččodit sin mielde plánabargui
- Ovddasvástádus ráhkadit jahkásaš plána ja jahkásaš raportta. Ruđalaš ovddasvástádus juolluduvvon bušeahtas
- Háliidit álggahit ovttasbarggu eará organisašuvnnaiguin ja doaimmaiguin main lea ulbmil ovddidit sámi giela ja kultuvrra
- Dát virgi raportere beaivválaš jođiheaddjái
Gii don leat?
- Sámegiel oahpaheaddji
- Buorre ovttasbargat
- Álggaheaddji
- Strukturerejuvvon ja buorre čađahannávccat
- Hárjánan bargat olbmuiguin ja hárjánan fierpmádathuksejeaddji/ čielggadanvejolašvuođaid/ oažžut buriid dieđuid/ oažžut oktavuođa olbmuiguin
- Hárjánan bargat iešheanalaččat.
Bonus jus:
- Studeren sámegiela alladásis
- hárjáneapmi sullasaš virggiin
- dus lea gealbu mearrasámi historjjás ja kultuvrras
Mii fállat:
- Miellagiddevaš virgi ja vejolašvuohta hábmet niehkobarggu.
- Fleksibilitehta bargoáiggis, mii addá buoret vejolašvuođa johtit barggu ja eará doaimmaid olggobealde virggi.
- Oassi bargoáiggis lea maŋŋágaskabeivviid, eahkediid ja vahkkoloahpaid.
- Bálká šiehtadusa mielde.
- Telefovnna gokčan ja buorit penšuvdnaortnegat.
Persovnnalaš dohkálašvuohta árvvoštallojuvvo, ja vejolaš virgáibidjamis galgá buktit politiijaduođaštusa.
Gulahallanolmmoš virggis
Marit Kirsten Eira
Beaivválaš jođiheaddji
97113606
Ohcanáigemearri 20.06.2025
Virgi lea maid almmuhuvvon neahttabáikkis arbeidsplassen.no.