Lávgu ohca 1-2 prošeaktabargi mánáid doaimmaide
Mii ohcat bargiid smávit prošeavttaide. Váldoulbmil prošeavttain lea movttiidahttit giellageavaheami ja ovdánahttit giella- ja kultuvrralaš ipmárdusa ja máhtu sámi giellaarenaid bokte Álttá suohkanis.
Son gii virgáiduvvo ferte heivet iešguđetlágan prošeavttaide, main olbmot ja sámi giella- ja kultuvra lea guovddážis.
Ferte liikot eahketbargguid go aktivitehtat mis leat maŋŋilgaskabeaivvi, eahkes ja vahkkoloahpaid. Eará bargu lea beaivet.
Doaimmat mánáiguin leat moddii mánnui, earret suoidnemánus. Mielbargi bargá fárrolaga prošeaktajođiheddjiin.
Mii dárbbašit maid bargigii oktii dahje guktii vahkkui lágida stohkosiid lášmmohallan lanjas Joganjálmmi (mánáideahket) ja/dahje Gáhkkor skuvllas (sámás mánáin).
Barggut čadnon virgái:
· Prošeaktamielbargi lea mielde čađaheame aktivitehtaid, ja sáhttá leat mielde pláneme, ja raporteren barggus.
· Prošeaktamielbargi sáhttá maid leat mielde eará prošeavttain, ja eará bargguin giellaguovddážis dárbbu mielde.
Háliiduvvon gelbbolašvuohta mielbargis:
· Heivvolaš gelbbolašvuohta
· Ferte hálddašit sámegiela njálmmálaččat
· Hárjáneapmi sullasaš bargguin lea ovdamonni
· Mearrasámi giella- ja kultuvra máhttu lea ovdamonni
· Persovnnalaš heivvolašvuohta deattuhuvvo
Mii fállat:
Go don leat mielde láhčime sámi giella- ja kultuvra arenaide saji de don maiddái leat mielde hábmeme sámegiela geavaheami Álttás. Don leat mielde ásaheame báikkiid gos sápmelaččat iešguđet agiin ožžot oktavuođaid eará sápmelaččaide, ja dát sáhttá nannet positiivvalaš identitehta dovdduid. Leat maid mielde oažžume beroštumi sámi kultuvrii. Don leat njulgestaga mielde hábmeme sámegielat gelbbolašvuođa boahtteáigái.
Dasa lassin mii fállát vel fleksibilitehta barggus, ja buori ja suohtas bargobirrasa. Ja dieđosge buori penšuvdnaortnega ja dáhkadusaid.
Jus orru miellagiddevaš bargu, ja háliidat eambbo diehtit de riŋges dahje čális beaivválaš jođiheaddjái Marit Kirsten Eira tlf bokte 97113606 dahje e-poastta post@lavgu.no
Ohcci mii virgáduvvo ferte ovdanbuktit dohkálaš politiijaduođaštusa ovdal álgá bargui. Bálká šiehtadallo.
Álgin: farggamusat
Ohcanáigemearri: rabas dassái gávdnat bargi
Virgeproseanta: 5-25%
Ohcamuš: Oanehis ohcamuš oktan oanehis CV:in mas ainnas namuhat guokte referánsa sáddejuvvo e-boastačujuhussii: post@lavgu.no