Min birra

Álttá sámi giellaguovddáš AS vuođđuduvvui formálalaččat 11.10.2006. Álttá suohkan eaiggáduššá 1/3 oasi ja Álttá sámi searvi 2/3 oasi fitnodagas.

Jagi 2023 šattaimet giella- ja kulturguovddážin, ja namma šattai Lávgu (Álttá sámi giella- ja kulturguovddáš) AS. Dat dáhpáhuvai go válddiimet badjelasas Álttá Siida Kulturviesu.

Lávggu ulbmil lea ovddidit, nannet ja seailluhit sámi giela ja kultuvrra Álttá suohkanis. Guovllu mearrasámi historjjá ja báikkálaš sámi árbevieruid čalmmustahttin, galgá leat guovddážis min barggus.

Buohkat, mánát, nuorat, ollesolbmot ja earát geat beroštit sámi gielas ja kultuvrras leat min ulbmiljoavkkus, danin galgat mii leat:

Sámi biras buohkaide

Mis leat:

• Giellakurssat juohke čavčča.
• Fásta giellaárena prošeavttat iešguđet ulbmiljoavkkuide
• Kulturdoaimmat mat heivejit buohkaide geat beroštit sámi kultuvrras.
• Dokumenteren bargguid sámi kultuvrra olis ruhtadit earát go ohcat ruđaid.

Sámediggi lea min váldoruhtadeaddji.

Mii sihtat áinnas cavgilemiid ođđa doaimmaide mat sáhtašedje nannet sámi báikkálaš servodaga Álttás.

Lávgu sáhttá maid doaimmahit máksobargguid, omd. suohkanlaš bálvalusaid ovddas, dahje eará doaimmaid olis, nu guhká go ii váikkut min beaivválaš doibmii. Dákkár bargguid ferte barggaheaddji ruhtadit.