Vuoddagat gávdnon Bávnnjas

Anna Mikalsenis ledje maid eará vuoddagat, mii bovttii min beroštumi. Dat leat ođđaseappo ja dain lea iežaset muitalus.

Anna eadni, Berit Marie Iversen, oahpahii áhkkubiid njuikkohit, go sii ledje su guossis. Anna nieiddat, Marit, Berit, Astrid ja Ragnhild njuikkohedje vuoddagiid 1970-logus. Daid njuikkohuvvon vuoddagiid minstariid gávnnat vuollelis.

Máret, gii lea njuikkohan ovttaid vuoddagiid, muitala ahte sin áhkus ii lean dihto minsttar man mielde son oahpahii njuikkohit. Son čilgii ahte vuoddaga minsttar šattai dan mielde movt vuotta lei coggojuvvon njuikumii. Go galgá oažžut stábiid, ruvttuid ja jogažiid, vuolgá das movt ivnnit leat nuppiid ivnniid ektui coggojuvvon njuikumii.

Go sii galge álgit njuikkohit, de besse áhkkubat ieža mearridit ivnniid, ja cogge suohppaga njuikumii dan mielde makkár minstara sii háliidedje.

Soittii dat friddjavuohta maid áhkku, Biret Márjá, attii áhkkubásaidis, mii muitalii dan ahte eai leat čielga rájit movt coggat. Soittii dat guoskkai earenoamážiid beaivválaš vuoddagiidda, mat njuikkohuvvojedje.

Vaikko Anna nieiddat besse ge ieža válljet minstara vuoddagiidda, de ipmirdii son ahte dat leat njuikkohuvvon árbevirolaš minstara mielde.