Duorastaga deaivvadit olggobeal Gorrevári skuvlla, ja čiekčat spáppa diibmu 17-18 rádjái.
Diibmu 18 rahppo válaštallanlatnja, sidjiide geat háliidit joatkit doppe stoahkat.
Mánáideahket
Mánáideahket lea fálaldat sámegielat mánáide gaskal 6-12 jagi. Deaivvademiin leat iešguđetlágan doaimmat ja sámegiella ja sámi kultuvra deattuhuvvo.
Min ulbmil lea nannet ja viidáset fievrridit sámegielat mánáid giela, kultuvrra ja identitehtadovddu, fállat sámegielat astoáigefálaldaga ja láhčit dili nu ahte sámegielat mánát geat orrot iešguđet báikkiin Álttás besset deaivvadit ja oahpásmuvvat.