Vuolgge Lávggu mielde vázzit Jiepmaluvtii. Mii deaivvadit diibmu 11:s bisánanbáikkis (mii lea várrejuvvon sidjiide geat galget vázzit várrái).
Sáhttá válljet vázzit ovttas earáiguin, dahje vázzit iežas leahtuin. Váldde mielde juoidá juhkat, ja áinnas juoidá borrat. Mii gáfestallat badjin váris ovdal máhccat ruovttoluotta.
Tuvra lea buohkaide. Váhnemiin lea ovddasvástádus iežaset mánáide.
Birasvahkku oktavuođas lágida Álttá suohkan golmmavári-doaimma. Miessemánu 30. beaivvi rájes gitta geassemánu 14. beaivvi rádjái sáhttá vázzit Jiepmaluvtii, Gorravárrái ja Ráipásii steampalasttinkoarttain maid galgá steampalastit várrečohkas – ja doalvut dan suohkanii ovdal suoidnemánu 1. beaivvi oažžun dihtii oanehissoajatbáiddi vuoitun.
Lávgu pláne lágidit tuvrra daid guokte eará váriide maid – jus beroštupmi. Dáhton ja áigi dasa mearridit dán tuvrras. Jus lea miella searvat daid guokte eará tuvrraide, muhto it sáhte dán tuvrii searvat, čális áinnas e-boastta: ingerkristina@lavgu.no
Sámás muinna lea fálaldat buohkaide geat háliidit sámástit eanet árgabeaivvis – leaččat go oahppame giela vai leažžá go dus sámegiella eatnigiellan. Ulbmil lea ásahit sámegielat arena gos beassá sámástit.