Háliidat go don goarrut alccet telefonveaskku (dološ duhpálávkka) dege nissonveaskku?
Lávgu bovde Mánáideahkeda mánáid guovtti duodjeeahkedii:
Mánnodaga 19.10.2026 dii.1600-1900
Disdaga 20.10.2026 dii.16.00-19.00.
Mii guossohit biepmu.
Dát fálaldat eaktuda ahte mánás lea beroštupmi oahppat goarrut, ja háliida searvat ja čuovvolit dieđuid. Váhnemat fertejit leat gergosat viežžat mánáid jus eai daga dan.
Bures boahtin 🙂
Mánáideahket
Mánáideahket lea fálaldat sámegielat skuvlamánáide gaskal 6-12 jagi. Deaivvademiin leat iešguđetlágan doaimmat ja sámegiella ja sámi kultuvra deattuhuvvo.
Min ulbmil lea nannet ja viidáset fievrridit sámegielat mánáid giela, kultuvrra ja identitehtadovddu, fállat sámegielat astoáigefálaldaga ja láhčit dili nu ahte sámegielat mánát geat orrot iešguđetbáikkiin Álttás besset deaivvadit ja oahpásmuvvat.
Govva Várjjat Sámi Museas vižžojuvvon.
Duojár Katrine Nilsen.
Giellavahkku birra:
Giellavahku ulbmilin lea buoridit sámegielaid stáhtusa, ja buoridit máhtu sámi giela ja kultuvrra birra olles servodagas. Juste dán vahkus galget sámegielat gullot ja oidnot juohke sajis.
Giellavahkku lea veahkkálasbargu čalmmustahttit sámegielaid ja loktet máhtu daid birra olles servodagas. Priváhta ja almmolaš ásahusat, ealáhuseallin, organisašuvnnat ja eará aktevrrat bovdejuvvojit oainnusmahttit sámegielaid juste dán vahkus. Ovttas váldit mii stuorábuš ovddasvástádusa sámegielaid gullomis, oidnomis ja geavaheames buot servodatsurggiin.