Áhpi lea álo leamaš dehálaš ealihangaskaoapmin mearrasámi kultuvrras. Álttá nuoraidskuvllas galget 9. ja 10. luohkat ráhkadit mearrasámi biepmu Biepmo- ja dearvvašvuođadiimmuin. Sii galget ieža ráhkadit guollegáhkuid varas sáiddis ja dorskis.
Bagadusa leat sii gávdnan Lávu čállosis man namma lea “Mearrasámi biebmoárbevierut Álttá guovllus”, gihpa maid mii leat čohkken ja almmuhan.
Doaibma bista 20.11 radjai.
Dieđut mearrasámi vahkku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagi 2025:s galgá mis leat mearrasámi mánnu, juhkkojuvvon njeallje vahkkui jagis.
Vahkut leat vuođđuduvvon sámi giellavahku doahpagii, iešguđetlágan lágideamit dáid vahkuid. Mearrasámi vahkkus/mánus galgat gaskkustit ja čalmmustahttit mearrasámivuođa Álttá guovllus.
Prošeavtta lea Sámediggi ruhtadan.