Mearrasámi vahkus mii guossohit mearrasámi mállásiid. Dat lea giellaarena daidda geat hupmet mearrasámi suopmana, dahje leat gullan suopmana bajásšattadettiin ja háliidit oahpat eanet.
Dát davvisámi suopman lea garrasit áitojuvvon, danin lea min mielas dehálaš ráhkadit deaivvademiid gos olbmot geat máhttet suopmana besset humadit gaskaneaset, seammás go addet vejolašvuođa earáide oahppat ja dieđuid geavaheami birra.
Álttá joatkkaskuvlla Restoráŋŋa- ja biebmofága oahppit ráhkadit biepmu. Bagadusa leat sii gávdnan Lávu čállosis man namma lea “Mearrasámi biebmoárbevierut Álttá guovllus”, gihpa maid mii leat čohkken ja almmuhan.
Lea sadji sullii 20 olbmui dáidda mállásiidda, danin fertet dieđihit doaluide. Atte maid dieđu jus dus leat allergiijat.
Dieđut Mearrasámi vahkku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagi 2025:s galgá mis leat mearrasámi mánnu, juhkkojuvvon njeallje vahkkui jagis.
Vahkut leat vuođđuduvvon sámi giellavahku doahpagii, iešguđetlágan lágideamit dáid vahkuid. Mearrasámi vahkkus/mánus galgat gaskkustit ja čalmmustahttit mearrasámivuođa Álttá guovllus.
Prošeavtta lea Sámediggi ruhtadan.