Álttá Mearrasámi vahkkus deaivvadit Mai Britt Utsi, Viktor Wilhelmsen ja Jakop Janssønn ságastallamii mearrasámi luođi, dutkama ja ritma birra.
Vuolggasadji lea Mai Britt Utsi doavttergrádabargu Unjárgga luohteárbevieruin, leaikás ja govahalli juoiganárbevierru, mas lea olu riibma, humor ja olmmošlaš govvideamit. Dán árbevierus leat ruohttasat Várjjat-guovllus, dat lea sihke persovnnalaš ja sosiála; dat muitala sogaid, báikkiid ja mearragátteeallima birra, muhto maid suohttasiid ja leaikásvuođa birra. Ovttas gitáračuojaheaddjiin ja dutkiin Viktor Wilhelmseniin, gii iežas prošeavttas “Gitárain juoigat” guorahallá luođi ritmmalaš vuogádaga gitáraspealu bokte, ja rumbbučuojaheddjiin ja komponisttain Jakop Janssønniin, gii bargá dáiddalaš doavttergrádain “Sámi ritmmat”, šaddá eahket ságastalli ja guldaleaddji čiekŋudeapmi Mai Britt Utsi erenoamáš bargui ja suokkardallan das mo mearrasámi luođi sáhttá ipmirdit, sihke muitun ja ealli dáiddahápmin dán áigge.
Geahččit bovdejuvvojit diibmosaš mátkái mearrasámi luohteárbevieru sisa, gos imaštallan deaivida muitalusain ja muittut vurkejuvvojit muitui ja ráhkaduvvojit.
Ságastallan lea dárogillii.
Govvejeaddji: Ingá Márjá Utsi
Dieđut Mearrasámi vahkku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagi 2025:s galgá mis leat mearrasámi mánnu, juhkkojuvvon njeallje vahkkui jagis.
Vahkut leat vuođđuduvvon sámi giellavahku doahpagii, iešguđetlágan lágideamit dáid vahkuid. Mearrasámi vahkkus/mánus galgat gaskkustit ja čalmmustahttit mearrasámivuođa Álttá guovllus.
Prošeavtta lea Sámediggi ruhtadan.