Muittut mearragáttis lea mearrasámi musihkalaš mátki mearragáttis – Moskavuonas Davvi-Romssas, Čuđegietti bokte Porsáŋggus gitta Unjárgii Nuorta-Finnmárkkus. Dáppe deaivvadit golmmain sámi juigiin, golmma iešguđetge guovllus, juogadit muittuid, muitalusaid ja luđiid.
Konsearttas mii oahpásnuvvat mearrasámi juoiganárbevieruin. Juohke juoigi guoddá iežas jiena, duovdagiid ja historjjá iežas siste ja ovttas ráhkadit muittuid mearragáttis. “Muittut mearragáttis” gaskkusta sihke lagasvuođa ja oktasašvuođa – báikkiide čatnon muitalusat, mat sáhttet guoskkahit min buohkaid. Dát lea erenoamáš vejolašvuohta vásihit mearrasámi juoigama nu mo dat eallá dál, gaskkal muitalusaid, musihkka ja muittuid.
Jakop Janssønn, Mai Britt Utsi ja Viktor Wilhelmsen lágidit konseartta.
Sisabeassanbileahtta: 200 kr.
Bileahta oastát dáppe: Hoopla – bileahtta
Uvssat rahppojit diibmu 18.30. Konsearta álgá dii 19.00
Govvejeaddjit:
Jakop Janssønn: Vidar Thorbjørnsen
Mai Britt Utsi: Ingá Márjá Utsi
Dieđut Mearrasámi vahkku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagi 2025:s galgá mis leat mearrasámi mánnu, juhkkojuvvon njeallje vahkkui jagis.
Vahkut leat vuođđuduvvon sámi giellavahku doahpagii, iešguđetlágan lágideamit dáid vahkuid. Mearrasámi vahkkus/mánus galgat gaskkustit ja čalmmustahttit mearrasámivuođa Álttá guovllus.
Prošeavtta lea Sámediggi ruhtadan. Dán konseartta lea Kulturdirektorahta ruhtadan.