Maŋŋel kurssa čoavddarieggá goarrut Gula:in, čájehuvvojit gárvves čoavddarieggát Amfis láseheaissa buohta. Soaitá muhtin gean don dovddat searvan kursii, ja don háliidat oaidnit gárvves buktaga?
Dan sáhtát gaskal 14.11 – 22.11 2025
Dieđut Mearrasámi vahkku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagi 2025:s galgá mis leat mearrasámi mánnu, juhkkojuvvon njeallje vahkkui jagis.
Vahkut leat vuođđuduvvon sámi giellavahku doahpagii, iešguđetlágan lágideamit dáid vahkuid. Mearrasámi vahkkus/mánus galgat gaskkustit ja čalmmustahttit mearrasámivuođa Álttá guovllus.
Prošeavtta lea Sámediggi ruhtadan.