Duddjonvuogit ja čiŋaheapmi lea dávjá čatnon báikái. Mii lágidit kurssa ovttas Gula- servviin gos goarrut čoavddarieggáid riebansilbbain dološ čiŋahanvuogi mielde. Lea leamaš dábálaš sámiid gaskkas čiŋahit biktasiid riebansilbbain nu go gávttiid, dorkkaid ja boahkániid.
Kursii lea dieđiheapmi go leat dušše 14 saji.
Kursadiva lea 250 ru.
Dieđit iežat Gula e-boastačujuhussii gulasami@outlook.com. Go leat ožžon duođaštusa ahte leat beassan kursii, de mávssát kursadivvaga, dat seamma diehtu boahtá e-boasttas mas duođaštuvvo du sadji.
Čoavddarieggát mat ráhkaduvvojit kurssas galget čájáhusas vahkku maŋŋel kurssa. Dasto ožžot oasseváldit iežaset čoavddarieggáid.
Dieđut mearrasámi vahkku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagi 2025:s galgá mis leat mearrasámi mánnu, juhkkojuvvon njeallje vahkkui jagis.
Vahkut leat vuođđuduvvon sámi giellavahku doahpagii, iešguđetlágan lágideamit dáid vahkuid. Mearrasámi vahkkus/mánus galgat gaskkustit ja čalmmustahttit mearrasámivuođa Álttá guovllus.
Prošeavtta lea Sámediggi ruhtadan.