Lávgu bovde Álttá suohkana sámegielat penšunisttaid miellagiddevaš idjadanmátkái Joatkajávrái.
Dát joavku lea fálaldat sámegielat penšunisttaide Álttá suohkanis. Mihttomearrin lea ráhkadit deaivvadanbáikki gos mii sáhttit deaivvadit ja ovttastallat.
Iešguđetlágan doaimmaid, mátkkiid ja sosiála deaivvademiid bokte fuolahit sámi gielas ja kultuvrras, ja maiddái addit oasseváldiide arena gos besset hupmat sámegiela ja juogadit vásáhusaid ja muitalusaid gaskaneaset.