Sámi gažusduo ja gažusmeašttirat OSCAAL & OSKÁL leaba viellja ja oabbá, Niels Ovllá Oskal Dunfjell ja Elle Mári Dunfjell Oskal, ja soai leaba gergosat miellagiddevaš gažaldagaiguin! Šaddá sihke somá, hástaleaddji ja ustitlaš gilvaleapmi!
Lea nuvttá searvat gahčošii.
Gažus lea davvisámegillii ja dárogillii.
Sáhttet leat eanemustá guđas guđege joavkkus, ja čáhket 10 joavkku searvat.
Ahkemearri: 18 jagi.
Báiki: Gustus vinbar, Álttás.
Uvssat rahpasit ja joavkoregistreren álgá: Dii. 18:30.
Vuoittut:
1.vuoitu: 3000 ruvnno.
2. ja 3. vuoitu: Jeđđehusvuoittut.
Jus dus ii leat joavku, de dieđit goitge iežat. Mii ráhkadit joavkkuid ja bidjat du ovtta jovkui.
Jus lea joavku, de čálát buot oasseváldiid namaid geat leat dan joavkkus gos hálidivččet mielde.
Giellavahkku birra:
Giellavahku ulbmilin lea buoridit sámegielaid stáhtusa, ja buoridit máhtu sámi giela ja kultuvrra birra olles servodagas. Juste dán vahkus galget sámegielat gullot ja oidnot juohke sajis.
Giellavahkku lea veahkkálasbargu čalmmustahttit sámegielaid ja loktet máhtu daid birra olles servodagas. Priváhta ja almmolaš ásahusat, ealáhuseallin, organisašuvnnat ja eará aktevrrat bovdejuvvojit oainnusmahttit sámegielaid juste dán vahkus. Ovttas váldit mii stuorábuš ovddasvástádusa sámegielaid gullomis, oidnomis ja geavaheames buot servodatsurggiin.
Mii giitit Samfunnsløftet Sparebanke1 Nord Norge doarjaga ovddas!