Mii lágidit Sáhkku-speallama Álttá kveanasearvvi- Alattion Kvääniseura stivrii, Álttá kveana giellaguovddáža beaivválaš jođiheaddjái ja Lávggu stivrii ja bargiide.
Ii gáibiduvvo makkárge ovdagihtii máhttu.
Mii guossohit biepmu lágideamis.
Dieđiheapmi lea lagamus jođiheaddjái.
Govva: Dánil Røkke
Dieđut mearrasámi vahku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagis 2026 galgá mis leat mearrasámi mánnu, mii juhkkojuvvo njealji vahkkui olles jagis.
Mearrasámi vahkuid lágideami vuođđun lea sámi giellavahkku-konseapta, gos leat iešguđetlágan doalut ja lágideamit daid vahkuid. Mearrasámi vahku/mánu oktavuođas galgat gaskkustit ja čalmmustahttit mearrasámivuođa riddoguovlluin, ja buktit ovdan resurssaid mat gávdnojit dáid guovlluin, namalassii olbmuid, dávviriid, muitalusaid, jna.
Sámediggi lea ruhtadan prošeavtta.