Mii doallat paneladigaštallama mas lea fáttá movt dáidda ja kultuvra sáhttá bargat seanadeami guvlui, dan oktavuođas go Christin Løkkes lea dál dáiddačájáhus Álttás. Čájáhusa namma lea “Sjøsamiske spor” mii sámegillii lea mearrasámi luottat.
Dát lea vuovdinčájáhus, ja lea vejolaš oastit muhtin dain dáidagiin mat leat čájáhusas.
Mii guossohit snoahpamuša.
Lea nuvttá oassálastit lágideamis.
Čájáhusa lea vejolaš geahččat gitta čakčamánu 25. beaivvi rádjai čuovvovaš áiggiid:
– Sotnabeaivvi 13.09 dii. 13.00 – 15.00
– Disdaga 15.09 dii. 15.00 – 17.00
– Sotnabeaivvi 20.09 dii. 13.00 – 15.00
– Gaskavahku 23.09 dii. 17.00 – 19.00
Dieđut mearrasámi vahku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagis 2026 galgá mis leat mearrasámi mánnu, mii juhkkojuvvo njealji vahkkui olles jagis.
Mearrasámi vahkuid lágideami vuođđun lea sámi giellavahkku-konseapta, gos leat iešguđetlágan doalut ja lágideamit daid vahkuid. Mearrasámi vahku/mánu oktavuođas galgat gaskkustit ja čalmmustahttit mearrasámivuođa riddoguovlluin, ja buktit ovdan resurssaid mat gávdnojit dáin guovlluin, namalassii olbmuid, dávviriid, muitalusaid, jna.
Sámediggi lea dorjon prošeavtta.