Nubbi deaivvadeapmi MSÁÁ-prošeavttas (Mu sámi árgabeaivi Álttás <3 Min samiske hverdag i Alta) šaddá čakčamánu 5. beaivvi.
Mii deaivvadit Álttá museas gaskal diibmu 12-14.00.
De lea fáddá báktesárgumat, ja mii beassat geahččat daid ja oahppat daid birra. Dan maŋŋel mannat sisa ja beassat ieža geahččalit ráhkadit báktesárgumiid.
Dieđit ovdal 31.08.26.
Mu sámi árgabeaivi Álttás <3 Min samiske hverdag i Alta
Lávgu lea ožžon juolludeami Samfunnsløftetis, Seastinbáŋku 1 Davvi-Norggas álggahit ođđa prošeavtta; “Mu sámi árgabeaivi Álttás <3 Min samiske hverdag i Alta”, gos mii máŋgga deaivvademiin galgat oahppat iešguđetlágan dáiddasurggiid, ja dáid dáiddasurggiid bokte hábmet dáidaga mii gaskkusta movt lea leahkit sámi mánnán Álttás. Dát prošeakta loahpahuvvo áidnalunddot, erenoamáš čájáhusain boahtte jagi.
Lea vejolaš searvat daidda deaivvademiide masa háliida, ja juohke deaivvadeapmái šaddá sierra dieđiheapmi. Ja mii sávašeimmet ahte nu ollugat go vejolaš servet buot bargobájiide.
Juohke deaivvadeamis ožžot ovtta liibmamearka. Maŋemus deaivvadeamis šaddet dat loattat maid mii vuorbádit. Dađi eanet liibmamearka, dađi eanet loattaid oažžu.
Prošeakta lea buot sámi mánáide Álttás, ja sámegiella ii leat gáibádus.