Lávgu lea ožžon juolludeami Samfunnsløftetis, Seastinbáŋku 1 Davvi-Norggas álggahit ođđa prošeavtta; “Mu sámi árgabeaivi Álttás <3 Min samiske hverdag i Alta”, gos mii máŋgga deaivvademiin galgat oahppat iešguđetlágan dáiddasurggiid, ja dáid dáiddasurggiid bokte hábmet dáidaga mii gaskkusta movt lea leahkit sámi mánnán Álttás. Dát prošeakta loahpahuvvo áidnalunddot, erenoamáš čájáhusain boahtte jagi.
Lea vejolaš searvat daidda deaivvademiide masa háliida, ja juohke deaivvadeapmái šaddá sierra dieđiheapmi. Ja mii sávašeimmet ahte nu ollugat go vejolaš servet buot bargobájiide.
Vuosttaš vejolašvuohta searvat prošektii lea govvenbádji Marie Louise S. Hættain, Árvvus. Son oahpaha movt lea buorre bargat ja oahpaha muhtin goansttaid, ja mánát besset ieža geahččaladdat buriid neavvagiid mielde.
Mánát fertejit váldit mielde kámera dahje mátketelefovnna.
Dieđihanáigemearri lea 09.08.26. Dii oažžubehtet dieđu maŋemustá bearjadaga 14.08 oažžu go mánná saji vai ii.
Dát fálaldat eaktuda ahte mánás lea beroštupmi oahppat govvema birra, ja háliida searvat ja čuovvolit dieđuid. Váhnemat fertejit leat gergosat viežžat máná jus eai daga dan.