Mii bovdet mearrasámi giellalunšii. Dát lea dutnje geas lea gullevašvuohta ja beroštupmi hupmat dahje oahppat mearrasámi suopmana.
Dát davvisámegiela suopman lea garrasit áitojuvvon, ja danin midjiide lea dehálaš ásahit deaivvadanbáikkiid gos olbmot besset hupmat suopmana gaskaneaset, seammás og lea vejolaš juohkit máhtu ja viiddidit giellageavaheami eambbosiidda.
Ságastallanfáddá:
Dat gávcci jahkodaga mearragáttis – Mii dahkko goas jagis mearrasámi kultuvrras?
Borramuš:
– Rohka muffinsat suvlliin
– Sohkar muffinsat/cupcakes
Dieđihanáigemearri: Lávvardaga borgemánu 29. b. dii. 11.00.
Dieđut mearrasámi vahku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagis 2026 galgá mis leat mearrasámi mánnu, mii juhkkojuvvo njealji vahkkui olles jagis.
Mearrasámi vahkuid lágideami vuođđun lea sámi giellavahkku-konseapta, gos leat iešguđetlágan doalut ja lágideamit daid vahkuid. Mearrasámi vahku/mánu oktavuođas galgat gaskkustit ja čalmmustahttit mearrasámivuođa riddoguovlluin, ja buktit ovdan resurssaid mat gávdnojit dáid guovlluin, namalassii olbmuid, dávviriid, muitalusaid, jna.
Sámediggi lea ruhtadan prošeavtta.