Biepmus ja biebmoárbevieruin lea hui guovddáš sadji iešguđege kultuvrrain. Das lea sáhka earret eará biebmoávdnasiin, movt dain ráhkadit biepmu ja málestit, ja sámi kultuvrras maid ahte galgá ávkkástallat olles ealli gorudis.
Svein Leiros, beaivválaš jođiheaddji Davviálbmogiid guovddážis Gáivuona suohkanis, logaldallá mearrasámi biebmoárbevieruid birra.
Mii guossohit snoahpamuša.
Dieđut mearrasámi vahku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagis 2026 galgá mis leat mearrasámi mánnu, mii juhkkojuvvo njealji vahkkui olles jagis.
Mearrasámi vahkuid lágideami vuođđun lea sámi giellavahkku-konseapta, gos leat iešguđetlágan doalut ja lágideamit daid vahkuid. Mearrasámi vahku/mánu oktavuođas galgat gaskkustit ja čalmmustahttit mearrasámivuođa riddoguovlluin, ja buktit ovdan resurssaid mat gávdnojit dáin guovlluin, namalassii olbmuid, dávviriid, muitalusaid, jna.
Sámediggi lea dorjon prošeavtta.