1500-logu loahpageahčen ja 1600-logu álggus lei Álttávuona mearrasápmelaččain ráfehis áigi. Ruoŧa gonagas geahččalii vuollástit guovllu alccesis, muhto dánska-norgalaš soahteveahka bissehii su. Dakka maŋŋel bohte vuosttaš dáččat Áltái, earret eará Dálbmeluvtii ja Ladnesullui.
Dán logaldallamis muitala historihkkár ja professor Jens-Petter Nielsen makkár váikkuhusat das ledje mearrasámi ássamii Álttás.
Uhca Latni sullo eaiggát, Odd Hugo Smaavik, searvá maid logaldallamii.
Mii guossohit snoahpamuša.
Dieđut mearrasámi vahku birra:
Prošeavtta ulbmil lea ovddidit mearrasámi kultuvrra, giela ja historjjá.
Jagis 2026 galgá mis leat mearrasámi mánnu, mii juhkkojuvvo njealji vahkkui olles jagis.
Mearrasámi vahkuid lágideami vuođđun lea sámi giellavahkku-konseapta, gos leat iešguđetlágan doalut ja lágideamit daid vahkuid. Mearrasámi vahku/mánu oktavuođas galgat gaskkustit ja čalmmustahttit mearrasámivuođa riddoguovlluin, ja buktit ovdan resurssaid mat gávdnojit dáin guovlluin, namalassii olbmuid, dávviriid, muitalusaid, jna.
Sámediggi lea dorjon prošeavtta.