Mii lágidit giellastohkosiid mánáide gaskal 6-12 jagi geat háliidit oahppat sámi- giela ja kultuvrra birra.
Mii borrat pizza, stoahkat olgun ja ohcat beassášmoniid.
Muitte dieđihit allergiijaid birra.
Searvan lea nuvttá, muhto gáibida dieđiheami vai beassášnjoammil diehtá man ollu moniid dárbbaha 😉
Dieđut Lávgulit prošeavtta birra
Lávgulit boahtá min namas, Lávgu. Lávgut mearkkaša basadit. Dáppe sáhtát lávggodit gielas ja kultuvrras. Lávgulit mearkkaša lávgut vehá/veaháš hoahpus. Mánát sáhttet boahtit min lusa lávggodit, dahje oahppat veaháš sámegiela- ja kultuvrra birra.
Lávgulit ulbmiljoavku leat mánát gaskkal 6 – 12 jagi (1. – 7. luohkát) geat háliidit oahppat sámi giela- ja kultuvrra birra. Eai leat makkárge gáibádusat, muhto mánáin berre leat beroštupmi oahppat veahá sámegiela ja sámi kultuvrra birra.
Lávgulit galgá lágiduvvot birra jagi, earret suoidnemánus. Muhtun lágideamit leat skuvllaid várás, ja eará lágideamit fas eahkes ja vahkkoloahpaid. Oassálastin lea nuvttá, muhto sáhtu doaluide galget váhnemat dahje skuvla máksit.
Prošeavtta ulbmil lea ahte mánát galget oahppat muhtun sámegiel sániid ja doahpagiid juohke háve, ja doaimmat leat dávjá čatnot sámi kultuvrii.
Mis lea maid Lávgulit Facebook- joavku gosa mii almmuhit dieđuid Lávgulit- doaluid birra.