Mii lágidit juovladoaluid mánáide gaskkal 6 – 12 jagi olgun Álttá guovddážis (Alta sentralpark).
Elin Oskal doallá konseartta, ja maŋŋil leat juovlastohkosat. Guossohit maid kakao ja juovlaherskuid.
Elin Oskal lea dovddus artista ja lea oidnon tv:s, earret eará BlimE!-lávlagis. Dán lágideamis son ovdanbuktá iežas lávlagiid midjiide.
Doalut leat nuvttá, doaluide ii dárbbaš dieđihit. Lea váhnemiid ovddasvástádus bearráigeahččat mánáid lágidemiin.
Govva: Dragan Cubrilo
Dieđut Lávgulit prošeavtta birra
Lávgulit boahtá min namas, Lávgu. Lávgut mearkkaša basadit. Dáppe sáhtát basadit gielas ja kultuvrras. Lávgulit mearkkaša basadit vehá/veaháš hoahpus. Mánát sáhttet boahtit min lusa lávggodit, dahje oahppat veaháš sámegiela- ja kultuvrra birra.
Lávgulit ulbmiljoavku leat mánát gaskkal 6 – 12 jagi (1. – 7. luohkát) geat háliidit oahppat sámi giela- ja kultuvrra birra. Eai leat makkárge gáibádusat, muhto mánáin berre leat beroštupmi oahppat veahá sámegiela ja sámi kultuvrra birra.
Lávgulit galgá lágiduvvot miehtá jagi, earret suoidnemánus. Muhtun lágideamit leat skuvllaid várás, ja eará lágideamit fas eahkes ja vahkkoloahpaid. Oassálastin lea nuvttá, muhto sáhtu doaluide galget váhnemat dahje skuvla máksit.
Prošeavtta ulbmil lea ahte mánát galget oahppat muhtun sámegiel sániid ja doahpagiid juohke háve, ja doaimmat leat dávjá čatnot sámi kultuvrii.
Mis lea maid Lávgulit Facebook- joavku gosa mii almmuhit dieđuid Lávgulit- doaluid birra.