Kristine ja Inger Kristina leaba gergosat stoahkat. Dán háve mii leat ožžon saji Gorravári skuvlii. Mii lávet stoahkat iešguđdet stohkosiid maid mánát dovdet, ja mánát besset sávvat stohkosiid.
Lášmmohallama birra:
Duorastagaid, earret skuvlaluomuid, deaivvadit mánáideahket mánát Gorravári skuvlla lášmmohallan lanjas iešguđetlágan stohkosiidda. Dá lea sámegielat mánáide fálaldat.
Váhnen galgá máná čuovvut sisa vuosttaš háve. Jus váhnen háliida leat lášmmohallanlanjas, de galgá váhnen searvat stohkosiidda. Dieđit skovis vai mii diehtit man oallugat bohtet. Go leat oktii dieđihan de sáhtát dan rájes beare dieđihit jus mánná ii boađe.
Mii geargat dii. 19.00 ja dalle ferte mánná vižžot.
(Tlf.nr. Inger Kristina: 971 44 718)
Mánáideahket
Mánáideahket lea fálaldat sámegielat mánáide gaskal 6-12 jagi. Deaivvademiin leat iešguđet lágan doaimmat ja sámegiella ja sámi kultuvra deattuhuvvo.
Min ulbmil lea nannet ja viidáset fievrridit sámegielat mánáid giela, kultuvrra ja identitehtadovddu, fállat sámegielat astoáigefálaldaga ja láhčit dili nu ahte sámegielat mánát geat orrot iešguđet báikkiin Álttás besset deaivvadit ja oahpásmuvvat.