Juohke duorastaga, earret skuvlaluomuin, mii deaivvadit Gorravári skuvllas lášmmohallan lanjas stoahkat. Dá lea sámegielat mánáide gaskal 0-5 jagi ja sin váhnemiidda fálaldat. Ii leat dieđiheapmi.
Illudit deaivat mánáid ja váhnemiid!
Sámás mánáin
Sámás mánáin lea sámegielat deaivvadanbáiki sidjiide geat leat máná vuordime, aitto šaddan váhnemiidda ja smávvamánnábearrašiidda geain leat mánát gaskal 0- 6 jagi. Mii lágidit oanehis deaivvademiid main leat iešguđetlágan fáttát. Fálaldat lea sámegielat deaivvadanbáikki smávvamánáide ja váhnemiidda.
Mii hupmat sámegiela gaskaneamet, ja mánáiguin. Muhtin deaivvadeamit leat dárogillii, erenoamážit go ulbmiljoavku leat váhnemat. Juovlamánus 2021 lágideimmet ”váibmogiela” seminára ja dát lei dárogillii. Dán semináras gulaimet ahte mánát eai leat giellaaktivisttat. Sii hupmet dan giela maid lea lunddolaš hupmat. Jus sis ii leat dárbu sámegiela hupmat, de eai daga dan. Danin lea Sámás mánáin arena gos mánáin galgá leat dárbu hupmat sámegiela.
