Dal lea steŋgen dieđiheapmi, bures boahtin min eará doaluide.
Lávgu bovde mánáid gaskal 3-5 jagi, ja sin váhnemiid karneválii.
Mii čiŋahit Lávggu ja gárvodit suohtas/ earálágan biktasiiguin. Mii čuojahit musihka, dánsut ja borrat pizza ja njálgáid.
Lávggus leat ámadaju vuoidasat sutnje gii dán háliida geahččalit.
Dieđiheapmi ovdal bearjadaga 25.10 dii. 12.00.
Sámás mánáin
Sámás mánáin lea sámegielat deaivvadanbáiki sidjiide geat leat máná vuordime, aitto šaddan váhnemiidda ja smávvamánnábearrašiidda geain leat mánát gaskal 0- 6 jagi. Mii lágidit oanehis deaivvademiid main leat iešguđet lágan fáttát. Fálaldat lea sámegielat deaivvadanbáikki smávvamánáide ja váhnemiidda.
Mii hupmat sámegiela gaskaneaset, ja mánáiguin. Muhtin deaivvadeamit leat dárogillii, erenoamážit go ulbmiljoavku leat váhnemat. Juovlamánus 2021 lágideimmet ”váibmogiela” seminára ja dát lei dárogillii. Dán semináras gulaimet ahte mánát eai leat giellaáktivistát. Sii hupmet dan giela maid lea lunddolaš hupmat. Jus sis ii leat dárbu sámegiella hupmat, de eai daga dan. Danin lea sámás mánáin arena gos mánáin galgá leat dárbu hupmat sámegiela.