Dal lea steŋgen dieđiheapmi, bures boahtin min eará doaluide.
Lávgu bovde mánáid gaskal 6-12 jagi Halloween-discoi. Mii čiŋahit Lávggu ja gárvodit suohtas/issoras/earálágan biktasiiguin.
Mii čuojahit musihka, dánsut ja borrat njálgáid.
Mis lea balddonas latnja maid boarráset mánát sáhttet galledit. Doppe lea veaháš issoras, numo jagiid ovdal láve.
Dát lea duššo mánáide, ja mánná ferte duosttat boahtit okto. Váhnemat eai sáhte vuordit visttis, muhto sáhttet áinnas vuordit olgun. Dieđiheamis sáhtát čállit jus du mánná ii galgga mannat balddonas latnjii.
FUOM! Dieđiheapmi duššo dás ruovttusiiddus.
Dieđiheapmi ovdal bearjadaga 25.10 dii. 12.00.
Mánáideahket
Mánáideahket lea fálaldat sámegielat mánáide gaskal 6-12 jagi. Deaivvademiin leat iešguđet lágan doaimmat ja sámegiella ja sámi kultuvra deattuhuvvo.
Min ulbmil lea nannet ja viidáset fievrridit sámegielat mánáid giela, kultuvrra ja identitehtadovddu, fállat sámegielat astoáigefálaldaga ja láhčit dili nu ahte sámegielat mánát geat orrot iešguđet báikkiin Álttás besset deaivvadit ja oahpásmuvvat.