Vahkku 26 lágida Lávgu fas Geassesomá Mánáideahket-jovkui.
Dát leat geassedoaimmat sidjiide gaskal 6-12 jagi, gos mánát galget beassat sámástit ja suohtastallat.
Mii deaivvadit mánnodagas- bearjadahkii, gaskal diibmu 10-15.
Prográmma almmuhuvvo go lea válmmas, muhto leat ollu somás doaimmat nu go dábálaččat 🙂
Váhnen ferte buktit máná sisa vuosttaš beaivvi vai beassá deavdit dieđihanskovi.
Geassemánu 23.- 24. beaivvi šaddá idjadeapmi sidjiide geat háliidit. Dasa lea sierra dieđiheapmi dáppe (ja dasa ferte dieđihit maŋemusat geassemánu 12. beaivvi) :
Geassesomá lea hui bivnnut. Dieđit máná dušše jus leat áibbas sihkar ahte mánná searvá.
Mis láve vuordinlistu, nu ahte lea hui dehálaš dieđihit buori áiggis jus dette ii šatta searvat. Jus ii boađe vuosttaš beaivvi, ja ii ge leat dohkálaš sivva, de massá saji dán jagaš Geassesomái.
Mánáideahket
Mánáideahket lea fálaldat sámegielat mánáide gaskal 6-12 jagi. Deaivvademiin leat iešguđet lágan doaimmat ja sámegiella ja sámi kultuvra deattuhuvvo.
Min ulbmil lea nannet ja viidáset fievrridit sámegielat mánáid giela, kultuvrra ja identitehtadovddu, fállat sámegielat astoáigefálaldaga ja láhčit dili nu ahte sámegielat mánát geat orrot iešguđet báikkiin Álttás besset deaivvadit ja oahpásmuvvat.