Mii deaivvadit suohtastallat ja stoahkat Áhpannjárgga fiervvás čakčamánu 1. beaivvi diibmu 16:30 rájes, gitta 18.00 rádjái.
Lávgu váldá mielde guollegáhkuid, dii váldibehtet mielde juoidá juhkat ja heivvolaš biktasiid 🙂
Mii stoahkat ja geahččat maid gávdnát fiervvás. Váldde áinnas mielde skálu ja goaivvu.
Muitte dieđihit, vai diehtit ollu biepmu galgat oastit.
Sámás Mánáin
Sámás mánáin lea sámegielat deaivvadanbáiki sidjiide geat leat máná vuordime, aitto šaddan váhnemiidda ja smávvamánnábearrašiidda geain leat mánát gaskal 0- 6 jagi. Mii lágidit oanehis deaivvademiid main leat iešguđet lágan fáttát. Fálaldat lea sámegielat deaivvadanbáikki smávvamánáide ja váhnemiidda.