Lávgu bovde vuosttaš Lávgulit-deaivvadeapmái maŋŋel geasseluomu, buot mánáide geat háliidit oahppat eanet sámi kultuvrra ja giela birra. Dán háve deaivvadit Elvestrandas, gos dolastallat, bassit biepmu ja suidnet.
Lea nuvttá searvat, muhto ferte dieđihit. Muitte dieđihit allergiijaid birra. Lávgu váldá mielde biepmu ja buot maid dárbbašit. Gárvot dálkki ektui, ja váldde áinnas mielde juhkamuša.
Dieđut Lávgulit prošeavtta birra
Lávgulit boahtá min namas, Lávgu. Lávgut mearkkaša basadit. Dáppe sáhtát lávggodit gielas ja kultuvrras. Lávgulit mearkkaša lávgut vehá/veaháš hoahpus. Mánát sáhttet boahtit min lusa lávggodit, dahje oahppat veaháš sámegiela- ja kultuvrra birra.
Lávgulit ulbmiljoavku leat mánát gaskkal 6 – 12 jagi (1. – 7. luohkát) geat háliidit oahppat sámi giela- ja kultuvrra birra. Eai leat makkárge gáibádusat, muhto mánáin berre leat beroštupmi oahppat veahá sámegiela ja sámi kultuvrra birra.
Lávgulit galgá lágiduvvot birra jagi, earret suoidnemánus. Muhtun lágideamit leat skuvllaid várás, ja eará lágideamit fas eahkes ja vahkkoloahpaid. Oassálastin lea nuvttá, muhto sáhtu doaluide galget váhnemat dahje skuvla máksit.
Prošeavtta ulbmil lea ahte mánát galget oahppat muhtun sámegiel sániid ja doahpagiid juohke háve, ja doaimmat leat dávjá čatnot sámi kultuvrii.
Mis lea maid Lávgulit Facebook- joavku gosa mii almmuhit dieđuid Lávgulit- doaluid birra.