Bovdehus ságastallamii sámi álbmotdearvvašvuođadieđáhusa birra
Njukčamánu 15. b. dán jagi almmuhii ráđđehus vuosttaš sámi álbmotdearvvašvuođadieđáhusa. Dat čalmmustahttá erenoamážit sámi giela, kultuvrra ja servodateallima. Álbmotdearvvašvuođadieđáhusas guorahallojuvvo makkár dearvvašvuohta olles álbmogis lea, ja makkár buorit ja heajos bealit dain leat.
Ovdal leat leamaš ollu proseassat, gos leat leamaš joavkočoahkkimat Finnmárkku suohkaniid várás, gulahallančoahkkimat jna.
- Muhto lea go dokumeanta buktán ođđa mearkkašahtti ášši maid berre vuhtii váldit?
- Maid dieđáhus duođai muitala paramehteriid birra mat galget mihtidit dearvvašvuođa?
- Leat go erohusat sámi- ja eará álbmogiin?
Álttás leat nubbin eanemus olbmot main lea sámi duogáš, go mihtida duohta logu – Norggas. Álttá suohkan danin háliida bovdet rabas dialogačoahkkimii Álttá girjerádjosis vuossárgga miessemánu 27. beaivvi dii 1800 – 1930. Čoahkkin lea rabas buohkaide.
Ulbmilin lea guorahallat deháleamos osiid Stuoradiggedieđáhusas eahpebyrokráhtalaš ja álkit áddehahtti vugiin. Dasa lassin háliidit oažžut árvalusaid čoahkkimis ahte leat go dás eará fáttát ja variašuvnnat mat galggašedje boahtit čielgaseappot ovdan. Sáhttet leat duođaštuvvon dieđut mat leat dahkkojuvvon ja vejolaš ođđa dilálašvuođat ja fáttát mat eai leat čuvgejuvvon?
- Vásihit go sápmelaččat ahte sámi perspektiiva fuolahuvvo doarvái bures Álttás?
- Mii doaibmá bures, ja mii sáhttá šaddat buoret?
- Ja mo dát bealit sáhttet váikkuhit min dearvvašvuođadillái?
Mii rahpat maiddái vejolašvuođa olbmuide sáddet árvalusaid e-poastta bokte álbmotdearvvašvuođa koordináhtorii.
Buohkat geat buktet árvalusaid meannuduvvojit anonymalaččat.
Álttá girjerájus, mánnodat 27.5, diibmu 18.00 – 19.30. Guossohuvvo gáffe.